Ai! Mu knu’kwaqnn
Ai! Mu knu’kwaqnn, Rita Joe ugt’wigatign’nm, Ti’an Misel nutewistog
Logtegnei mit’tugwatmg maw Geptn Piel Maltan
Piel Maltan neiatuajig Geptnewei mit’tugwemg etlil’gwitas’g
Po’tel pentatasgl maw Geptn Rodney aqq Piel
Meluijoqo na nmjiligejg wejguwag Geptn Rodney & Piel gisgajatutitl ug’po’tmual je pilei pent teluisig Je’gopsn.
Muntil ugjit nmjiligejg
Nmjiligejgewinug Robin, Curtis, & Dominic neiatutij tan telgisgajatasgl logtegnn
Nepst’gwatunl mntawegnn
Nige maitaqal nmjiligejuel po’tl gwesuwulutasg. Gatu mawiamgwesewei na? Wenaqpilmug mtawegn
Nujiulamgwataqatijig
“ Ula Weliangamgugewinug” na newte lgowaqan elgwatmitij Listugujg ugjit usgewinug apangitatimg. Maw mlgilugutijig na ula mst, unjigewatog Shawnee Metallic, neget tan gisiulamug gisatutij ugjit ulamugtn nnuegati!
Ta’n Gistliaqs’pneg
Gino Clement, Tommy Larocque, & Chad Gideon teltemitij Je’gopsnewei ‘gtapegiaqan teluisit “ History Song “
Plamu tan wagei egitmg
Pam Isaac Listuguj etl’lugwet nujiangotaqatijig, telimugsigw tan telinqamaseg egitmnn Scale’l plamuei’el, tan maw ula ewas’g....
Listugujeweg usgewinugewag maw Russell Furlotte
Geptn’nag aqq lgowinujg elugutijig pitaqal nagwegl apagtug aqq nataqamtl gne’eg etegl wiguag. Wenn elitasultijig tan tujiw goqwei sewisgas’g? Ultesgu Russell Furlotte, As’susit Listugujeweg usgewinug.
DFO angapt’tmitij Blayze’wei tan goqwei nepatog
DFO & ‘Gtann jijuaqa angaptmititl wigatignn ul’ten ugjit tan goqwei wesgas’g tan tujiw naqamitag. Nige na Geptn Blayze Ajig ugt’pun.
Plamu wesgalut apig’tug
Tan tujiw plamu asualj po’tigtug aqq tepaqang gisimtuweg na, gatu Ricky neiatugsigw tan telimqamaseg ula lgowaqan ugjit negm.
Lusgnign eltas’g Migmewei gamp
Migmewei gamp, mijuajijg egnutmujig tan telitmg lusgnign aqq tan teltmg elg tan tujiw pugtewigtug wejogsas’g.
Don Leo Nujiangoteget: Plamu etliangotasij
Don Leo tewalugsigw Listugujewei sipu ugjit neiatun tan tet tami etliangotasij plamu, tan mu wen gisiwsgeg pa wen, aqq tan gesgutasnn usgewinul etl’gmutnelitl amgwes.
Tal’lugwegl plamuel logtegnn
Etli’amjimogteg eteg, Josh neiatugsigw tan jagejuei logtegn tel’lugweg.
Mu etastnugul mgignn
Jigaweteg aqq epteg nipg nagweg, Listugujewaj usgewinug Josh aqq Derrell etliwsgejig maw umign Listugujewei sipu
Nmjiligejg paqaluatijig?
Tan mawi nsanoqonig wesgalj nmjiligejg? Ouch! Na mawi seg’gapjasij!
Listugujewei igataqasg igataqan
“ Mu gis’smawj wijin’nug, mu etug gil mu wi’jinnu? Anna aqq Sue-Ann neiatugsigw tan Listugujewei gatn tel’lugweg, tanig etl’lugutijig aqq nigwenmitij mijipjewei aqq megnnmitij elg, ugjit tanig mimajuinug maw nutamatij aqq esmuj gisigu’mimajuinug.
Eginamasimg plamu
Tan tujiw plamuaqan qaqiag, Pam & CaroleAnn na esgmejig nataqamtug mena wigtag tan goqwei gisiwgasg tan pisgwag. Iapjiw gisgajegig agnutmnew tasgl atugwaqann ugjit gisalnin ugsigewein stige Warren.
Roger Lee Martin aqq Migmag Boys
Ula jinm eltlintog maw “Migmaq Boys,” na Roger Lee Martin etligtapegiat uj’jeweig ‘gtapegiaqan teluisig “ I’m Dying With Tears In My Eyes” lameg sisignoguomg 2019ewei Mawiomi.
Lita etl’wis’sugwat
Talgisg Nujot Mawiomi Lita Isaac geggunaji 6 tesijig dog’sig? Mesgig uggamlamun aqq pugwelg angitasuaqan ugjit wisunn!
Nagusetewejij
Jijuaqa na amujpa natawitasin tan tujiw sigtigneg eimn apagtugegl tepin po’t... nagusetewejig me gelulg aqq mu goqwei!
Amjimogteg tlisuti
Gisna mu tepianug tan tel’lugwej lgowaqann GC McDonald, usgewinuj nmjiligejuei Syliss na mesegit aqq jel app wenjusit ugjit aglasiewigtug nstmn.
Steven’ewei satasiwei wesgatas’g etliwsgutas’g
Tan tujiw nmjiligejgl apig natqaluj, pugwelg na piluei nmejuei natgotasg elg, Giwnaqa pugwelg apajegemg apagtug. Alt, gatu megitelmut aqq siaw gugunut aqq ewigut wigatignigtug maw Egian....!
Angugumgeweg Nagweg Tribal gamp 2018
Listugujewag etlmawitajig tan etlmawitamg ugjit Angugumgewei nagweg amgwesewei Sigewigusg. Ula pemiag newtipug, Gary Metallic Sr., 7ewei District saqamwuti, agnutg ijga Declaration of Sovereignty’ewei aqq wigatign neiatog gisgugewel ‘tplutaqann aqq as’sumsultigl Migmewei aqq il’lugwatasg ‘tplutaqann maw Gpnol Ganataewei aqq igtigl maqamigal.
Listugujewajg nipugtugewag
Tan tel’lugutijig Piel, Egian, aqq Dominic tan tujw mu etl’lugutigw ugjit usgaqan? Gen’neg nipugtug pisultijig oqwatnug Listugujgel etl’as’suwotijig gmuj!
Jagejuwei eginamatimg
Togwagewei jagejuegemg Listugujg na asuweg na tujiw. Mu pas’g mimajuinug wesgalatigwig jagejg, wis’sugwalatijig elg, aqq ignmuetasit nnuegatig, gatu Krista aqq Pam tanig etl’mawlugutijig negmow elg melglugutijig elg mawotutij tan goqwei nepatasg samgwanigtug mena ‘gjit’tag enmiag tan goqwei gisign’ntag tan telmilamug nmejuei.